Hæ, ég heiti Kolbrún og ég sýndi öllum í Sundhöll Reykjavíkur mitt heilagasta í dag!
Já, daman var víst ekkert svakalega mikil dama, að því er virðist, þegar að hún fór í sund í bikiníi sem var nú orðið tæpt í gegnsæji en aldrei grunaði mig að það væri orðið svona snargegnsætt!
Eftir smá stund í pottinum (ekki langa stund þó því að það var ekkert rætt nema einhver bévítans fótboltaleikur sem verður á laugardaginn) skellti ég mér uppúr og gerði þau mistök að stoppa fyrir framan spegil. Já krakkar mínir! Bleika bikiníið mitt var orðið svo gegnsætt að þetta var nánast eins og ég væri klædd í rúðugler.
Til ykkar sem þurftuð nánast að horfa á stjörnuna á mér í dag vil ég biðjast stórfelldrar afsökunar!
Bikiníið varð eftir í ruslinu í sundhöllinni og ég þarf greinilega að fara í sundfataleiðangur á morgun!
Held að þessi strípihneigð mín sé komin úr böndunum. Fyrst fer ég nakin (og enn í sturtunni) til dyra og ætla (óvart) að hleypa ókunnugum manni inn og svo múna ég sundlaugargesti…
Þetta var mitt fyrsta og síðasta skipti sem gestur í þessari sundlaug.
Hvar mælir fólk með að maður kaupi sér hinsvegar ný sundföt? Er að gæla við sundbolakaup en hallast nú meira að bikiníunum.
sjálfsmynd af mér að máta sundbol í dag
-StrípiK
