Murphy's law

Mér leið eins og ég væri stödd í lélegum sketch í dag!

Dagurinn í dag einkenndist af Murphy's law, sem er "Anything that can go wrong, will go wrong".

Það gæti útfærst á íslenskunni sem "Allt sem getur farið úrskeiðis, mun fara úrskeiðis!"

Fer ekki mikið nánar út í það hvernig dagurinn "mörfíaðist" svona svakalega, en ég sem sagt lenti í sprungnu dekki og rafmagnslausum bíl. Dagurinn endaði í þeim góðu fréttum að útgjöld næstu daga fara í 1 stk rafgeymi, 4 stk felgur, 4 stk vetrardekk. JESS hvað ég er spennt!

Ég segi nú bara Guði sé lof fyrir Vegaaðstoð Sjóvá! 

Í dag var flutningadagur og ég vil benda fólki á frábæra þjónustu hjá Flutningaþjónustunni. Keypti hjá þeim þjónustu þar sem að tveir mjög svo hressir, kátir og jákvæðir menn komu og báru dótið mitt út í bíl og inn á nýja heimilið. Þvílík snilld! Aldrei mun ég aftur fá vini og vandamenn til að hjálpa mér að flytja, verð fastakúnni hjá þessum snillingum.

Þeir hjá Flutningaþjónustunni fá allavegana lof dagsins.

Last dagsins fær bíllinn minn hann Grási fyrir að vera *********"#$%&/(**

Í nótt fæ ég að sofa í mínu rúmi, voðalega verður það ljúft (þótt það hafi verið fínt að kúra hjá Heklu minni síðustu daga :) )

Mikið væri ljúft að hafa einn svona til að lúra hjá mér í nótt samt! 

Best að fara að sofa, þarf að vera á undan stöðumælaverðinum í fyrramálið kl 8! 

-K

Be Kind

Þessi elsku kind sem fylgir sumum kinda-tengdum fréttum hjá mbl.is er svo yndisleg að ég smellti henni í Lock screen á símanum mínum! Núna get ég alltaf horft á hana, en í staðinn er ég komin með króníska löngun í brauð!

Flutningar í dag og ég hlakka mikið til að vera búin að koma mér fyrir svo ég geti farið að lesa það sem ég hef ekki getað vegna annasemi síðustu daga!

Njótið kindarinnar. Er hægt að vera kinda-manneskja eins og einhver er frekar hunda manneskja en katta manneskja?

-K

Heppni vs. óheppni

Mikið hefur gerst á síðustu dögum og ég er bara spennt að fara að standa á eigin fótum sem miðbæjarrotta næstu 7 mánuðina! 

Stundum er maður alveg ofboðslega heppinn! Það tók mig 11 klst að leita, skoða og fá íbúð. Fyrsta íbúðin sem ég skoðaði meira að segja. Ég tel það vera nokkurskonar met, enda hefur maður heyrt um fólk sem leitar og leitar og leitar í fleiri fleiri mánuði. 

Að vísu hafði ég ekki miklar kröfur, ég vildi bara stað fyrir rúmið mitt, eldunaraðstöðu, stað til að pissa á og skola af mér. Viti menn, ég fékk allt þetta! Þetta er að vísu allt troðið saman í 25 fermetra, en ég tel það nú vera nóg fyrir námsmann sem mun hvort sem er búa uppi í skóla næstu 2 mánuði (og vonandi næstu 5 eftir áramót). 

Ég flyt á morgun (fimmtudag) og auðvitað fer ég í tilheyrandi Ikea ferð á föstudaginn, það er nauðsyn!

Já það koma stundum svona ofboðslega góðir dagar þar sem allt gengur upp. 

Svo koma hinir dagarnir sem vega svona svakalega upp á móti...

Við Hekla gátum ekki sofnað fyrr en hálf 3 því að við gátum ekki hætt að spjalla.

Þar með urðum við ekki einu sinni varar við að vekjaraklukkan hringdi klukkan 6:05 til að senda okkur í ræktina. 

Þar með var engin rækt.

Vöknuðum klukkan 8:04. Ég hugsaði, ahh ég sleppi bara fyrsta tímanum, hann er hvort sem er alltaf bara að lesa af glærunum. Seinni tímann sá ég mér samt knúinn að mæta í, þar sem að við erum að læra um sítrónusýruhring í lífefnafræði og ég er týndari en Valli í þeim efnum! 

Í gær, eins og allir Íslendingar vita, var snjór í höfuðborginni. Auðvitað er Kolbrún litla ekkert búin að spá í vetradekkjum og Grási spígsporar um á snarsléttum sumardekkjum! Þar með fór það, ekki gat ég notað bílinn minn fyrr en seinnipartinn. Þvílík lukka að ég gisti hjá Heklu, þar sem að það tekur ca 6 mínútur að labba í skólann hjá mér. 

Ég gekk af stað, á strigaskóm (auðvitað enda alltaf jafn vel gíruð í veturinn). Það lak bráðinn snjór af tré á höfuðið á mér á leiðinni, ég blotnaði í fæturnar, og var næstum því dottinn fyrir framan fullann strætó sem spólaði upp brekkuna við hliðina á mér. 

Þegar ég hinsvegar mæti í tímann komst ég að því að ég ruglaði saman tímunum og skrópaði sem sagt í vitlausum tíma! Mikilvægi tíminn var klukkan 8 og svo öfugt. 

Ennþá er ég týnd í sítrónusýruhring og búin að læra mína lexíu. No more skróping!

Hlakka til að fá ykkur öll í kaffi á Bergþórugötuna (ath hleypt inn í hollum vegna plássleysis, ath2 á ekki kaffivél svo það verður boðið upp á vatn)!

-MiðbæjarK

p.s. þetta er partýrotta sem býr örugglega í miðbænum!

p.s2. Bloggið er komið yfir 1000 page views! Partý rottan approves 

Smá fegurð í lífið

-K <3