Jákvæðir hlutir

Lífið er svo miklu skemmtilegra með bros á vör! 

Eftir að hafa tæklað Janúar mánuð með skeifu á fési þá tók ég mig til og ákvað að taka á móti restinni af árinu með gleðidansi. 

Nokkrir ljósir punktar í lífinu:

Vaknaði klukkan 8 í morgun og var komin í ræktina klukkan 9! Fór svo í klukkara göngutúr og synti í hálftíma, nokkuð sátt með lífið.

Áður en ég mætti í vinnuna á kvöldvakt ákvað ég að blása á mér hárið og laga mig aðeins til. 

Það fór ekki betur en svo að hárblásarinn spýtti eldglæringum á mig og brann svo yfir! 

Hvað er jákvætt við það, gætuð þið hugsað með ykkur. Jú sjáið til krakkar mínir, ég slapp nefnilega við það að kveikja í hárinu á mér og íbúðinni! Lukkan yfir manni alltaf hreint 

Það var útsala í Maníu síðustu helgi. Þar keypti ég þrjú sólgleraugu saman á 990kr. Það gladdi litla útsöluhjartað mitt. Svo kom reyndar í ljós að þau eru öll með sama sniðið. En það er bara allt í lagi, því þau eru svo skrambi flott, og voru svo fjandi ódýr! Nú get ég fagnað sólinni með bros á vör og hina fínustu sjón.

Ég fór í göngutúr í dag og það var svo gott veður og allt svo lifandi og fallegt. Það gladdi mitt sumar-elskandi hjarta.

Sjóvá sendi mér þennann póst, sem mér fannst svo krúttlegur. 

"Af því að lífið er skemmtilegt" lýsti bara nákvæmlega skapinu mínu í dag. Ekki var það verra að kíkja í bréfið og sá að þeir ætla að endurgreiða mér rúmar 7 þúsund krónur fyrir það að hafa ekkert klesst á árið 2013.

Lífshlaupið er að kæta mig og bæta mig þessa dagana. Það er nefnilega að drífa mig áfram í hreyfingu því að ég þrái svo innilega að liðið mitt haldi bikarnum þriðja árið í röð! Við erum að hrúga inn mínútunum og eins og staðan er núna erum við í fyrsta sæti. Margt getur þó gerst á þeim 16 dögum sem eftir eru.

Þessi taska. Ekki mikið hægt að segja um hana annað en að hún kætir mig ó svo mikið! 

Nú veit ég hvað fer efst á óskalistann fyrir næstu jól.

Ég er öll í svona myndum. 

Tölvan mín er stútfull af einhverjum hvatningar myndum og iphoneinn líka! Þessi orð eru ágætis áminning um að lifa í núinu. 

P.s. Tjékkið á "#100happydays". Þetta er mjög skemmtileg hugmynd til að hafa jákvæðu hlutina í lífinu sýnilegri.

-K

Bara

Hafið þið hugsað um það af hverju maður er alltaf að gera lítið úr sjálfum sér?

Til dæmis ef einhver spyr hvað ég sé að gera í lífinu/þessa önn þá segist ég alltaf "bara að vera að vinna núna". Af hverju finnst mér ég vera að gera eitthvað minna í lífinu en þeir sem eru í skóla?

Ég viðurkenni líka að ég reyni alltaf að skjóta því einhvernvegin inn að ég sé nú búin með BA í ensku, þótt ég hafi bara verið að reyna við klásus í hjúkrunarfræði síðustu önn. Ég vil ekki að aðrir haldi að ég sé að verða 25 ára og ekkert búin að afreka í námi. Hryllilega er maður klikkaður! 

Mér þykir til dæmis bara mjög gaman að vera að vinna núna og kann mjög vel við mig á Sóltúni.

Ég hef líka fengið þetta svar frá sumum þegar maður spyr hvað þau séu að læra "ég er bara að klára stúdentinn". Það er ekkert BARA við það! Að klára stúdentinn er bara hellings mál og maður má alveg vera stoltur af sjálfum sér. 

Ég ætla að reyna að vera stoltari af mér í framtíðinni og vonandi þið hin líka, þið sem finnst allir aðrir en þið vera að sigra heiminn. 

En úr sjálfshjálparbókinni yfir í annað kids!

Nú er Lífshlaupið hafið (vinnustaðkeppni í hreyfingu). Að sjálfsögðu er ég með í því og í dag gat ég hent inn 135 mínútum af hreyfingu sem samanstendur af 15 mín brennslu, 60 mín Zumba og 60 mín göngutúr.

Mikið er ég spennt að massa næstu 20 daga og vonandi vinnur fyrsta hæðin bikarinn þriðja árið í röð! 

-K